NA SYLVESTER DAVID
MSANII chipukizi wa muziki wa kizazi kipya nchini Profit
Ramadhani maarufu kama Profit amemtaja mwandaaji mkongwe wa muziki
nchini,Ambrose Dunga, ‘Dunga’ kuwa ndiye aliye mfanya ajulikane kwa mashabiki
wake.
Akizungumza na MUZIKI BEGANI alisema kufanya kazi na mwandaaji huyo kumechangia afanye kazi nzuri
zinazopendwa na mashabiki wa muziki nchini.
“Dunga ni mwandaaji anaujua vizuri mziki na maisha
halisi ya wasanii nchini,nimefanya naye kazi tatu nzuri zinazolenga soko na
wapenzi wa muziki nchini”.Alisema Profit.
Awali Profit aliwahi kutamba na kibao cha ‘Hawana
tena ubinadamu’ alichomshirikisha msanii Sunday Mjeda maarufu kama ‘Linex’
kilichofanyika katika studo za Sharobaro Record Magomeni jijini Dar es salaam.
Profit aliongeza kuwa akiwa chini ya mwandaaji
Dunga alifanya vibao vitatu kikiwemo ‘All about Profit’ alicho mshirikisha
mwandaaji huyo.
Vilevile aliongeza kuwasihi mashabiki wake wakae
tayari kuipokea video ya wimbo wake mpya aliomshirikisha msanii Yard
ijulikanayo kama ‘Sirud nyuma’.