NA SYLVESTER DAVID
MAZISHI ya msanii wa filamu za Kibongo, Mzee Manento
yanatarajiwa kufanyika siku ya jumamosi nyumbani kwao mkoani Kilimanjaro.
Akizungumza na MUZIKI BEGANI Jana Jijini Dar es
salaam,mmoja wasanii wa Bongo Movie anayetambulika kwa jina la, Robert
Augustino maarufu kama Kiwewe alisema mwili wa marehemu utasafirishwa kwenda
mkoani Kilimanjaro baada ya kuuaga rasmi jana nyumbani kwake kigogo.
Manento alifariki dunia juzi akiwa amelazwa katika hospitari ya TMJ
iliyopo Mikocheni jijini Dar es Salaam kutokana na kusumbuliwa na maradhi ya
moyo kwa muda mrefu.
Mzee Manento atakumbukwa sana kwenye ulimwengu wa filamu nchini kutokana
na kuonesha mchango mkubwa katika filamu za kibongo kama 'Hero of the Church',
'Dar to Lagos', 'Fake Pastor' na nyinginezo.
Ndugu, jamaa na marafiki kwa sasa
wamekutana nyumbani kwa marehemu kujadili kuhusu taratibu za kumsafirisha
marehemu na utaratibu mzima wa mazishi.
Mwenyezi Mungu ailaze Roho ya Marehemu mahali pema peponi. AMEEN!